ما هي ال Streams في Flutter ؟

بعد برمجتي لعدة تطبيقات متوسطة الحجم باستخدام فلاتر وكل هي التطبيقات كانت إدارة الحالة فيها State Managment بالطريقة الأساسية الي هي setSate أو باستخدام Scoped Model Package يعني بالحالتين الموضوع كان بسيط التعلم والتطبيق.

قررت من فترة انه اعمل تطبيق أكبر من التطبيقات السابقة وفيه شاشات أكتر وهي الشاشات مرتبطة مع بعضها بشكل كبير، لهيك فكرت شوف شوفي حلول ثانية غير الي كنت مستخدمها ، لقيت انه فيني استخدم مكتبة اسمها Redux وهي المكتبة الأب الروحي تبعها هو Facebook ، المهم صرت تابع مقاطع باليوتيوب عن كيفية تصميم Flutter باستخدام ال Redux Design ومن الأخير ما عجبني الوضع لأن لازم بإيدك تعمل إدارة حالة برنامجك كل ما تتغير وبعدها كل مرة بيصير فيها تغيير بشاشات البرنامج تبعك بدك تعمل حالة جديدة تماما وتعطيها ل Flutter لحتى يرجع يرسمها على الشاشة، يعني غير موضوع انك انجبرت تعطي Flutter الحالة يدويا في مجهود عم يعمله Flutter لحتى يرجع يرسم الحالة من جديد لما تبينها عند كل تغيير.

المهم رجعت دورت عن حلول ثانية لقيت انه فيني ارسم الشاشات وديرها عن طريق شي اسمو Stream والي هو بالعربي مجموعة من الأحداث ال Widget بتتنصت عليها وأول ما يصير فيها حدث جديد بتعكس هادا التغيير عليها من دون ما ترجع تبني حالها من الصفر كل مرة.

في مصطلحات اجاني تشجنج ذهني بسببها بالبداية لكن بعد كم يوم من القراءة المستمرة عنها صارت جدا واضحة والي هي تقريبا ( StreamController , rxdart , sink , streams , listen , bloc, …….. الخ ) من المصطلحات الي بتدور حول ال Streams في Dart.

إدارة الحالة عن طريقة Streams هي أبدا مانها عملية سهلة بفلاتر ، بالعكس معقدة وبتحتاج فهم وتدرب من المبرمج عليها لكن لما يتقنها رح يقدر يلعب لعب بين الشاشات بالبرنامج ويعيد استخدام كتير أكواد بسهولة ورح بيوفر على حالة إدارة الحالة بشكل يدوي وأمور ثانية كمان.

صعب أني اختصر كل الأمور الي مرت معي لكن رح حاول حط روابط لأهم المقاطع والمقالات عن هي الطريقة لإدارة الحالة وأهم رابط فيهم هو رابط دورة ، هي الدورة تعتبر دورة شاملة لتعلم فلاتر من الصفر وفيها أقسام لتصميم الشاشات باستخدام Streams …….

مقالة جدا غنية بالمعلومات وتعتبر مقدمة للناس الي أول مرة يسمعوا عن الموضوع :

https://www.didierboelens.com/2018/08/reactive-programming—streams—bloc/

ربط دورة Stephen Grider :
https://www.udemy.com/course/dart-and-flutter-the-complete-developers-guide/

مقطع بيوضح ببساطة طريقة استخدام ال Streams ب Flutter عن طريق تصميم شاشة تسجيل الدخول رابط الكود تبعه في وصف المقطع:

مقطع من غوغل عملته في المؤتمر تبعها السنة الماضية أتوقع لما أعلنو عن Flutter :

أربع مقاطع لشخص اسمه Robert فيهم شرح مفصل :

https://www.youtube.com/watch?v=h3TEEGceYsU
https://www.youtube.com/watch?v=QnAoEV5UraI
https://www.youtube.com/watch?v=qitQmyDICXc
https://www.youtube.com/watch?v=7Tp4TeGoSf0

1 thought on “ما هي ال Streams في Flutter ؟

  1. احمد ردّ

    مرحبا.
    شكرا على المقال المفيد .
    وجدت صعوبة في فهم بعض التعابير السورية. أرجوا الكتابة بالفصحى ليتمكن جميع القراء من الاستفادة. الفصحى تجمعنا. شكرا جزيلا

اترك رداً على احمد إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *