معلومات عامة عن Flutter

ال Flutter هي Framework كتير واعد واله مستقبل وسهل كتير .

فيك تعمل فيها برنامج ل ios و android مدعوم ب Backend بفترة كتير صغيرة .

في برنامج اسمو Flutter gallery في الغوغل ستور بيستعرض امكانية ال Flutter


ال Flutter لغة البرمجة الي مستخدمة فيها اسمها Dart

ال Dart عبارة عن مزج بين قوة هيكلية لغات البرامجة ال oop مثل java و C# مع لغات البرمجة مثل JavaScript

يعني عسبيل المثال لما تعرف متغير فيك تحدد النوع تبعه وفيك ما تحدد ال complier هو بيعمل هالموضوع عنك مثال عملي

Int num1 = 0;
هي ب dart نفسها لو انكتبت
var num1= 0;

عملو هالشي لحتى المطورين الجايين من خلفية ال node.js frameworks او js بشكل عام يلاقو الموضوع جدا مرن وسهل وبنفس الوقت المطوريين الي جايين من لغات مثل c# كمان يلاقوا طلباتهم الي more strict

ال dart لاي مبرمج عنده خلفية بلغات ال oop مثل ال C# و java رح بيقدر يتعلم ويتمكن اللغة باقل من اسبوع !!!

ال dart و flutter الي وراهم غوغل شركة وحدة وهالشي ساهم كتير بانو ينجح ال flutter يعني عسبيل المثال لما المطورين بلشوا يعملو برامج ب flutter شافوا انهم كتير بيستخدموا كلمة new فال dart الاصدار الاخير احدث واحد 2 صار يدعم انو فيك تعمل اي instance من اي class من دون كلمة new وهالشي بسط الكود كتير.

لما تتعمل ( انت اصلا متعلم ) لغة dart رح بتقدر تعمل حرفيا مو بس Full stack لا و Mobile apps كمان

فيك تعمل server و client عن طريق AngularDart و mobile عن طريق Flutter

مع ال flutter الواجهات ال UI معمولة بنفس اللغة يعني مثلا ما بدك تكتب Html Css وما في ملف xml ورا الواجهة لحتى ترسم UI compliments لأ عن طريق ال dart نفسها بتقدر تعمل هالشي وهالشي خلى ربط الواجهة مع الكود Data binding شي كتير سهل يعني ما رح تقعد تقضيها getElementById وغيرها من الامور الثانية

لما تحمل ال Gallery من google store رح تلاقي أمثلة عن UI Components الي هنن بيسموها ب flutter ال widget وكل ال widget الي رح بتشوفها رح بتقدر بسطر واحد تضيفها على البرنامج تبعك مدعومين من ال framework نفسه من دون ما تضطر تعتمد على community بكتير شغلات.

اخر شي حقوله انو ال react native فيها bridge مسؤول أخد ال html css js وتحويلها للغة الآلة

بينما ال flutter في الها engine معمول ب c++ و engine ل graphic اسمو Skia هو المسؤول عن compiling و drawing وهالشي عاطي فرق كتير وواضح بالاداء بين الاثنين.

ال flutter هي ال frameworks الي انبنى فيه نظام التشغيل التجريبي الي شغالين عليه غوغل الي اسمه Fuchsia .

ال community ل flutter و dart بالعربي كتييير ضعيف لانو نحنا بتوصلنا القصص اخر شي 😅 ، بس لو انت عندك مهارات متوسطة بال English هالشي كتير رح يساعدك ، انا من شهر بلشت اقرا عن المنصة ومن اربع ايام بلشت بدورة رح ارسلكم الرابط تبعها بس وصله والاسبوع الجايي ان شاء الله حاعمل اول برنامج الي فيها الموضوع جدااااا سهل وسريع. ( لما فكرت استخدم تقنيات مثل ال ionc و react native ) وانا مطور عندي خبرة اربع سنين ب desktop application ب c# و vb.net هالشي ما ناسبني ولقيت فيه امور كتيرة وبالاخير الاداء ما بيتقارن مع flutter .

ال community ال English تبع ال framework من لما google حكت عنه ب google developer io بالشهر الثاني من هالسنة بلش يتوسع بشكل كتير كبير عقبال ما نوسع ال community بال Arabic

لو أنت مهتم بهي التقنية انضم النا على وسائل التواصل الي عملتها ل Flutter :

تويتر: https://Twitter.com/FlutterIODev

فيسبوك: https://Facebook.com/groups/FlutterIODev