خلاصة دورة Paulo و دورة Maximilian لتعلم Flutter

الإخوة المتابعين شافوا انه يوم الخميس نشرت فديو وكان خلاصة دورة Maximilian والي كانت الدورة الثاني الي تابعتها ل Flutter بعد دورة Paulo قبل ما أحكي عن الخطوة القادمة رح حاول لخص كل الأمور الي مرت معي بالفترة الماضي ( تقريبا من ثلاث اسابيع )

———————————

اول دورة تابعتها كانت لشخص إسمه Paulo موجودة الدورة تبعه على موقع Udemy يمكن ب ١٢ دولار او اغلى هنن دائما بيعموا خصومات فبدكم تترقبوا الموضوع.

تقريبا كانت مقسمة أربع اقسام :

اول قسم شارح فيه بالتفصيل الممل كيف تجهزوا البرامج الازمة( تحميل ال SDK تبع Flutter و SDK تبع ال Android و تجهيز ال emulator , واختيار ال editor الي هو كان اتوقع Intellij طبعا بالنسبة ل editor الخيار بالاخير الك فيك تستخدم Android Studio او حتى VS Code !! ) وهالشي كان على كل من windows و mac .

ثاني قسم حاكي فيه عن لغة البرمجة Dart المستخدمة ب Flutter والي كمان مطورة من قبل google والي فيها كتير ميزات حلوة ، المهم انا بهادا القسم سرعت مقاطع الفديو لان شرح بالتفصيل الممل dart مع مبادئ البرمجة الموجهة بالكائنات OOP يعني كيف نعمل class وكيف ممكن نشتق منه ونعمل له getter و setter وكيف نعمل متغير private و الاساسيات طبعا متل الجمل التكرارية ….. الخ . هادا القسم لو انت مبرمج وعندك خلفية قديمة حتسرع المقاطع اكيد وحتوقفها عند بعص النقاط القليلة الجديدة عليك ب Syntax لكن لو انت مبتدئ كتييير حيكون القسم هادا مفيد الك ومقدمة حلوة للبرمجة.

ثالث قسم بلش فيه بقى يحكي عن Flutter framework والي هو الحب تبعنا ❤? المهم حيشرح الفرق بين ال stateless و stateFull الي هنن في Widget وال widget طبعا هي اساس كل شي عم ينرسم وما عم ينرسم ب Flutter ، طبعا هي الفقرة الي شرحها الاخ محمد في اللقاء الاخوة الي حضروه الخميس رح يتذكروها ، طبعا انا عندي شرح كتير بسيط عن الفرق بينهم ? اي شي رح ينحط عالشاشة وما رح يتغير شكله ابدا مثل لما نحط صورة هادا Stateless واي شي رح ينحط عالشاشة ممكن يتغير شكله بعد ما نحطه بغض النظر شو هو هادا stateFull المهم ما رح فصل اكتر لانو انا غرضي من هي الرسالة إعطاء رؤوس أقلام ، طيب بعد ما خلص عمو paulo توضيح الفرق بينهم رح ييستعرض معكم بالدورة اكتر ال widgets شهرة وحاجة مثل ListView والي عن طريقها فينا نعمل ليسته متل ليستة المنشورات في تويتر الي منحركها باصبعنا لفوق ولتحت وكمان widget ثانية متل Container والي هي عبارة عن حاضنة ل Widgets ثانيبن مع امكانية انو تعطيهم هوامش وامور تنسيقية ثانية. ورح بيكون بهادا القسم شي اربع امثلة لبرامج بسيطة انا سبق وصورتها لكم في غروب الفيس لما عملتها هالبرامج لما تعملوها حتبلش اللذة والحماس لانو صار في مخرج امام عيونكم من التدريب ? .بالمختصر المفيد هادا القسم هو المدخل لتصميم البرامج مع Flutter.

رابع واخر قسم رح بيكون فيه مفهوم جديد وكتير حلو ومهم انه كيف نحط اضافات على برامج Flutter متل اضافة اسمها sqflite الي رح بتخليكم تخزنوا البيانات محليا على جهاز الموبايل من دون انترنت ( متل واتس لما بيخزن رسائلنا عالموبايل ) وكمان رح بيتعامل مع قواعد بيانات على الإنترنت متل Firebase والي بتخلينا نخزن البيانات على الانترنت بدل محليا على جهاز واحد وباخر الدورة رح بيعمل برنامج خلاصة هادا القسم الفكرة متل برامج To Do الي هي برامج المهام بس هو فزلوك ? خلاها To Not To Do .

بهيك تقريبا خلصت دورة عمو Paulo ، بعد ما خلصتها حاولت اعمل برنامج لحالي بس لقيت في كتير امور لسى ما نضجت عندي متل كيف عدل بالشاشة بعد ما ارسمها ومتل كيف اتناقل البيانات بين شاشات البرنامج state managment. فبلشت دورة ثانية ل Maximilian والي تعتبر مكملة للدورة الاولى وبرأي الشخصي متقدمة اكتر وما بينفع الواحد يبلش فيها. المهم لما بلشت فيها وخلصتها الحمدلله لقيت كل الاجوبة لاستفسارتي اتعذبت معو صح لانو اسلوبه شو غليظ بالنسبة لالي شخصيا لانه صار يعدل بالاكواد كتير ليحسنها بس بالاخير كتييييييييير دورته فيها شغلات مهمة واساسية رح حاول اذكرها ( اول شي والي خلاني بلش بدروته هو scooped module والي هي عبارة عن طريقة بتخلي الشاشة مثلا رقم واحد تتشارك بيانات مع الشاشة رقم عشرة ، الكاميرا كيف صور او استعرض من الاستديو ، كيف استخدم ال Firebase لحتى اعمل عن طريقها نظام للمستخدمين وارفع صور وبيانات على الانترنت ، كيف اعمل ايقونة للبرنامج تبعي وغير اسمه ، كيف اتنقل بين الصفحات تبع التطبيق ، كيف استخدم خرائط غوغل، وكتييير شغلات و widgets ثانية) وكمان نشرت عتويتر وعالفيس خلاصة هي الدورة والي محصورة ببرنامج واحد المتجر. سبحان من يسر هالدورتين وبتسلسلهم الي اجى رائع.

———————–

طبعا في تفاصيل ثانية كتيرة ما حكيت عنها صارت معي بالفترة السابقة ممكن بالمستقبل كمان انشرها بنفس هي الطريقة.

———————–

بعد هالدورتين انا ماني شايف اي داعي لانو يكون في دورة كاملة ل Flutter حيكون المرجع لو احتحت شي للمصدر الرسمي لهم ال Documentation على الموقع Flutter.io

الخطوة الجاية ? خلال متابعتي لدورة Maximilian احتكيت مع Firebase لاول مرة والي هي متل ما بيقولو ال backend طبعا هي المنصة كتير جبارة وبتسهل الشغل كتير بس ما اقتنعت فيها لانو ما فيها sql قواعد البيانات الي فيها هي NoSql الي حابب يعرف الفرق بينهم يبحث بالانترنت او باليوتيوب في مقاطع من firebase نفسها عن الفرق بينهم وبين sql ، المهم انا قبل لا بلش اقرأ عن Flutter وقبل لا بلش درواتها كنت باحث في الانترنت على احدث التقنيات الي بتخليني اعمل سيرفر backend لتطبيقي او لموقعي واستقريت باختصار من دون ما فوتكم على الدوامة الي كنت فيها استقريت على شي اسمو Asp.net Core وركزوا على كلمة Core لانو في فرق بين Asp.net core وبين Asp.net الي انا اخترتها هي الأحدث وهي open source ، عن طريق Asp.net core رح اقدر ابني سيرفر لتطبيقي واعمل ال api تبعتي وكتير شغلات ثانية ورح الجئ ل asp.net core في البرامج الدسمة الي ممكن يكون بقواعد بياناتها جداول كثير ، اما لو كان البرنامج بسيط اكيد رح استخدم ال Firebase معه. ممكن كمان اعمل community منفصل ل Asp.net core متل ما عملت ل Flutter مثل صفحة الفيس والتويتر وغروب الواتس لو لقيت انو في داعي او في فائدة منهم.

وبس ? ان شاء الله تكونوا استفدتوا واسف عالاطالة ، ولو في اي شي جديد رح شاركه معكم ❤.

ويا ريت لا أحد ينشر اي رسالة في الغروب هادا غير الرسائل المتعلقة ب Flutter لحتى نتساعد ونحقق اكبر استفادة منه للجميع.

رابط دورة Paulo :
Paulo

رابط دورة Maximilian:
Maximillian

الموقع الرسمي ل Flutter :
www.flutter.io

موقع Flutter على Github : ( ادعموهم بنجمة ?)
www.github.com/flutter/flutter

الموقع الرسمي ل asp.net core :
www.asp.net

وسائل التواصل ل Flutter الي انا عملتها :

https://Facebook.com/groups/FlutterIODev
https://Twitter.com/FlutterIODev
https://Github.com/FlutterIODev
https://FlutterIODev.slack.com/
https://Reddit.com/u/FlutterIODer

5 thoughts on “خلاصة دورة Paulo و دورة Maximilian لتعلم Flutter

  1. abdullah ردّ

    جزاك الله كل خير
    انا حاب اتعلم برمجة تطبيقات وحاولت اتعلم جافا واندرويد ستوديو ولكن تحدث معي اخطا
    وقبل ايام نصحني احد الاخوه بتعلم دارت ثم فلاتر

  2. mousa ردّ

    يعطيك العافيه وشرحك جدا سلس ماشالله
    اذا ممكن ندخل معكم قروب واتساب تبع فلاتر

    اكون لك شاكر 🙂

  3. Fahed ردّ

    أول شيء شكراً لنشرك لهذه الدورات وانه اتكلمت عناها
    لكن أنا مثلاً ما بعرف انكيزي لكن لقيت دورة للغة dart في العربي
    https://emad.site/flutter/maximilian-paulo-summary/
    ف ممكن تشوفها وتعطينا رايك عنها بما انه صار عندك خلفية عن هل لغة وبقدر استفيد من هل كورس ؟

    لأنة قبل لقيت كورس عربي بس يحكي اكثر ما يشرح والكورس كله 30 حلقة وكل حلقة 5 دقايق ف لغة رح تكون عملاقة اكيد ما رح يلحق يشرح كل شي بهذا الاسلوب والتمطيط الزايد ع حسب اعتقادي :).

  4. Fahed ردّ

    تعليقك بأنتظار الموافقة بالنشر.

    أول شيء شكراً لنشرك لهذه الدورات وانه اتكلمت عناها
    لكن أنا مثلاً ما بعرف انكيزي لكن لقيت دورة للغة dart في العربي
    https://www.youtube.com/playlist?list=PLDw4Ldr2k_qIwhtJTBFO6DffM7l06pPZg
    ف ممكن تشوفها وتعطينا رايك عنها بما انه صار عندك خلفية عن هل لغة وبقدر استفيد من هل كورس ؟

    لأنة قبل لقيت كورس عربي بس يحكي اكثر ما يشرح والكورس كله 30 حلقة وكل حلقة 5 دقايق ف لغة رح تكون عملاقة اكيد ما رح يلحق يشرح كل شي بهذا الاسلوب والتمطيط الزايد ع حسب اعتقادي :).

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *