تقنية ال Asp.net Core تم إطلاقها من سنتين كمشروع مفتوح المصدر بدعم من Microsoft، هالتقنية بتساعد على بناء مواقع ويب أدائها عالي وبتساعد على عمل Web API Server الي هو عبارة عن سيرفر من دون واجهات والي رح بيكون مصدر البيانات لأطراف كثيرة ومنها تطبيقات الجوال الي بتحتاج انها تخزن بياناتها على الانترنت.

فينا نعتبر Asp.net core هو النسخة المطورة والمحدثة والمجانية من التقنية القديمة الي اسمها Asp.net.

لغة البرمجة المستخدمة بهي التقنية هي لغة ال C# الغنية عن التعريف.

في مشروع تجريبي الان اسمه Blazor والهدف منه تصميم الواجهة front end عن طريق ال c# بدل من JavaScript.

من اهم مزايا ال asp.net core انها cross platform يعني مانك مجبر لما تجي ترفع موقعك ، ترفعه على استضافة ويندوز والي معروفة بانها اغلى من الاستضافات الثانية مثل استضافة linux.

كمان ال asp.net core بتدعم شي اسمو side by side versioning يعني فيك تنزل عنفس السيرفر اكثر من اصدار asp.net core جنب بعض مانك مجبر انك تنزل بس نسخة وحدة وهالشي بيحسن وبيسرع كتير عملية التطوير.

ال asp.net core فيها كتير مكاتب بتساعد على تطوير موقع او api سيرفر بشكل كتير سريع وفعال وأمن.

في مشروع اسمه IdentityServer4 مفتوح المصدر موجود على github بيساعد بشكل كتير كبير على بناء web api server محمي باستخدام بروتوكولات OAuth2 و OpenID فيك تدمجه مع مشروعك وتستفيد منه لعمل سيرفر لتطبيقاتك.

في كتير شغلات ما ذكرتها، الي مهتم بهالتقنية في ينضم النا عن طريق وسائل التواصل الي بأسفل الرسالة.

هالوسائل مخصصة بس للاستفسارات والنقاشات الي بتخص Asp.net core

وسائل التواصل:

https://Facebook.com/groups/AspNetCoreDev

https://Twitter.com/AspNetCoreDev

https://Github.com/AspNetCoreDev

https://AspNetCoreDev.slack.com/